L guant da zacan

Mondura da om

L’om fascian regolà a l’antica l’à tel dos:

– n pé de braes de pel (ence de lèna), neigres o color café, lènges fin al jeneie e strentes jù per la giama;
– n corpet ros o vert;
– na ciameija biencia (se possìbol de lin);
– na croata de seida;
– n colet neigher;
– stinferna biencies;
– centa de pel recamèda o fascia biencia, ciapel a zelinder o capa de pelic;
– tacà tel corpet chi che pel à na ciadena de arjent con tòleres taché laìte e la “cegola” de arjent (orloi) te gofa.

Mondura da fémena

La fémena fascèna regolèda a l’antica à tel dos:

– n camejot (guant fat da bostina e gabèna engaidèda, con corees de seida sala);
– ciameija de lin;
– barel da bechec e corees;
– na soteviesta biencia o rossa;
– n pé de sotebraa lènges;
– n gramiel de laneta con pìcola reses;
– stìnferna biences;
– cordela per l gramiel;
– voies de arjent e tremui ti ciavei;
– petin de os;
– corèi e cenedeles d’arjent intorn l col e pìrui te la oreies.

Tout fora dal liber “N bal lènch 50 egn” de Claudia Conta

Privacy policy